На 06.04.2019 (сабота) се одржа првата еднодневна истражувачка акција за оваа година Уланци – Слан Дол – Брегалница – Уланци. Се патуваше со воз, тргнавме од Скопје и пристигнавме до постојката во Градско.
Времето беше облачно и суво, минималната температура изнесуваше 13, а максималната 19 степени целзиусови.
При еднодневната акција на ИДСБ, херпетолошката секција одржа едукација и теренска обука на новите членови, како и теренско истражување на херпето-фауната.
На теренот присуствуваа менторот на херпетолошкат секција проф д-р Драган Арсов од Македонското еколошко друштво и проф. д-р Лилјана Томовиќ од природно-математичкиот факултет во Белград, кои дополнително го споделија нивното огромно искуство со студентите.
Херпетолошката секција успешнo ги евидентира следните животни :
Црвовидна змија (Xerotyphlops vermicularis) European blind snake.
Полска гуштерица (Podarcis tauricus) Balkan wall lizard.
Зелен гуштер (Lacerta viridis) European green lizard.
Полска желка (Testudo graeca) Spur-thighed tortoise.
Зелена крастава жаба (Bufo viridis) European green toad.
Жолтоогнена жаба (Bombina variegata) Yellow-bellied toad.
Шумска жаба (Rana dalmatina) Agile frog.
Забелешка: Констатирано е големо антропогено влијание (фрлање отпадоци, ѓубре и шут насекаде, потпалување) кое има негативно влијание врз животната средина.
Изработил: Андреј Михајлов